Rijkkaorganisasjåvnnå Sáme Ednama Ulmmeprográmma

Sáme Ednam galggá viggat viesso sáme sebrudahkaj tjuovvo vuodoulmij milta:
  
* Sámedigge oadtju ålles tjuottjodimriektáv sámebájke badjel
* EU adná aktijvalasj álggoálmmukpolitijkav
* Sáme árbbedábe doalvoduvvi boahtte buolvvaj ja sáme sebrudagá vuodo l dagádum sáme árbbedábijs
* Sáme Ednam ij la tjanos politijkkaj

Buohtaárvulasj sáme ja rievtuk sebrudahka
 
* gájkka sáme riegádi sämmi árvujn. Sáme Ednama ulmme l gájkka sámijda galggi vatteduvvat sämmi máhttelisvuoda åvtålágásj riektálasj, ekonomalasj, sosiálalasj ja kultuvralasj árvujn
* sáme oajbbom ij galga doalvvot sámijt sámij vuosstáj
* barggat aktijvalattjat lasedittjat aktisasjbarggovuogijt sámij gaskan bájkálasj, dajvak ja guovddelis låbdån
* sámesiebre galggi nanniduvvat ietjasa bargguj sáme aktisasjvuodav adnet ålles rijkan 
* Sáme Ednam sihtá årrot guovddelis orgána sámesiebrijda ma li sebradum rijkkaorganisasjåvnnåj
* barggat vaj Sáme Ednam oadtju sámesiebrrekonsulentav
* barggat vaj sjaddá lasep doajmma sámesiebrijda ja bälostit siebrij miellogisájt ja åvdåstit siebrijt jus soajtti riektáássjáj boahtet
* barggat vaj nuoges luohko juogeduvvi sámesiebrijda ma sihti buojkulvissan kursajt adnet sáme giehtabargguj, sámegiellaj, sáme musijkkaj/girjjeprienntimij ja nåv vil

Sáme buohtaárvvo

* barggat vaj sjaddá buohtaárvvo nissuna ja ålmmå gaskan ålles Sámeednamij

Sámegiella
  
* vaj sámegiella láhkaásadime tjadá sjaddá virgálasj giella Svierigin
* sámegiella galggá årrot luondulasj oasse sebrudagán
* sámegiella oadtju sierra dårjav álggoálmmukgiellan Svierigin
* sámegiella galggá årrot ánssidis virggebálkkidijn sámeednamin ja sáme institusjåvnåjn
* sámegiellaj vatteduvvá nuoges luohko sáme giellasujto ja åvdedime hárráj
* gájkka sáme galggi oadtjot máhttelisvuodav oahppat ietjas iednegielav akta makkár álldara ja årudagá gávttuj
* universitehtaj sámesuorgijda vatteduvvi buorre luohko
* sáme åhpadusnävo åvdeduvvi, giellaåtsådibmáj vatteduvvá nuoges luohko ja sáme doajmme dålkkådievnastus gávnnu gájkka sámijda Svierigin
* åvddånibme joarkká sáme namáj hárráj kártajn, bájkijn ja rahtegalbajn

Sáme mánáj- ja vuorrasijhukso

* barggat vaj sjaddá buorre mánáj- ja vuorrasijhukso aktan ietjá institusjåvnåj ja organisasjåvnåj

Sáme Ednam adná, sáme äládusá dahki viesso sáme kultuvrav
  
* sáme äládusájda hähttu máhttelisvuohta vatteduvvat viesutjit ja åvdeduvátjit
* nannit ja åvdedit sámeduojev ja nannit sámeduodjárij riektálasj sajádagáv
* barggat vijdes aktisasjbargo diehti sámeduoje hárráj rijkarájij badjel
* máhttelisvuohta gávnnu åhpadussaj teoretalasj ja praktijkalasj máhttudagáj hárráj árbbedábálasj sámeduojen. Dá máhttudagá hähttuji máhttelisvuodav vaddet alep duodjeåhpadussaj
* sáme nuorajda vatteduvvi sierra vuodomáhttudagá sámeduojen
* máhttelisvuohta ássat vuodoábnnasijt buoreduvvá ja giehpeduvvá sáme duodjárijda
* Suoddjit oabme sáme árbbedábálasj skándajt

Jáhkkudahka

* sámij åvddåristalasj jáhkkudakhistårjjå galggá gávnnut skåvlåj jáhkkudakåhpadusán  
* basse sáme bájke/mujttomerka e oattjo váldeduvvat jali ietjáláhkáj bäjsstánit
* härrá ja sárnnediddje gudi sáme bájken barggi lulun sáme sáhkadit

Tjielde
  
* barggat vaj gájkka sáme oadtju ietjas tjälldáj bessat
* barggat åvtåmielaga diehti tjieldij ja sámij gaskan gudi li tjieldij ålggolin

Boatsojäládus

* barggat vaj nuorra sáme oadtju máhttelisvuodav ällobargguj álgget

Sáme guollim  - sáme vuodoäládus dålutjis
  
* sáme guollárij lágalasj sajádahka buoreduvvá ja viddnuj vatteduvvá jasska sajádahka
* sáme jávrijda vatteduvvi lágalasj suodje ja exploaterima ma e vájveda sáme guollárijt
* sáme e oattjo ekonomalasj vájvijt tjáhtjeexploaterimijs ja sáme hähttuji oadtjot buorre dåjmajt häjmmabájkkáj
* vahága ma båhti bargos dulvvadimijn galggi divoduvvat ja mávso vatteduvvi dulvvadime åvdåsvásstediddjes
* mákso intrånga hárráj galggá vatteduvvat gájkka sáme guollárijda
* guollesujttuj hähttu vatteduvvat luohko vaj barggo galggá máhttet buoreduvvat

Bivddo - akta sámij oabmásamos äládusájs
 
* sáme bivddoriektá bisoduvvá ja ij gártjoduvá
* bivddosujttuj vatteduvvá alla åvdåjdibme
* bivddo hiebaduvvá  sámij äládusbargguj
* loabeduvvá rievsagijt giellat dålusj sáme bivddovuoge milta
* sáme vuorká ja dålusjájggásasjbátsidusá

Sáme vuobme- ja várreednambarggo
  
* nannit åvddånimev sáme vuobme- ja várreednambargon
* vaddet dårjav ja máhttelisvuodajt åvddånibmáj vuobme- ja várreednambargon
* nuorra sámijda vatteduvvá máhttelisvuohta álgadit ja badjelválldet vuobme- ja várreednambargov
* vuobme- ja várreednambarggo máhttá dårjav oadtjot kommuvnas, stáhtas ja EU:as
* vuobme- ja várreednambarggo oadtju máhttelisvuodav bivddet lijggeäládussan

Gymnása/allaskåvllå jali ållessjattukåhpadus

* barggat vaj gájkka åhpadusá vaddi máhttudagáv sámij ja sijá histårjå birra
* barggat vaj gájkka sáme ålles rijkan oadtju máhttelisvuodav suv iednegielav låhkåt
* nuorra ja vuorrasap sámijda vatteduvvá máhttelisvuohta sáme ebnajt låhkåt

Oassálasstem ájnas sáme ássjijn ietjá institusjåvnåj/organisasjåvnåj
* sáme åtsådibme
* media degu prässa, radio ja televisjåvnnå
* sáme girjálasjvuohta
* sáme girjjevuorká ja dávvervuorká
* sáme gåvvådájda, filmma, musijkka ja teáhter

Rijkajgasskasasj solidaritäjtta

* tjiegŋodit rijkajgasskasasj aktavuodajt álggoálmmugij gaskan
* kultuvralasj lådnom álggoálmmugij gaskan máhttá vil åvdeduvvat